بسم الله
السلام عليكم ورحمة الله وبركاتة
اليوم راح اشارككم
تجربتي مع " ماسك الطين الاوربي "
بعد استخدام اكثر من سنه اقدر اسمية الماسك المنقذ!
ليش؟
هذا ما ستعرفونة في التدوينة الاتية ههههه ..
اولا الماسك برأيي فعال للناس الي بشرتها دهنية لانه ينشف البشرة كثير
بالنسبة لي بشرتي جافة وبما انهم موضحين على العلبة طرق الاستخدام المختلفة لانواع البشرات
منها الجافة وهي كالاتي ( تخلط ملعقة من الماسك مع قطرات من زيت الجوجوبا او زيت الافندر )
ف جربت هاذي الطريقة ولا ناسبتني
صرت استخدم ملعقة كبيرة من الماسك مع ملعقة صغيرة ماء شرب بارد
مع العلم ان الماسك بودرة
المهم وش النتيجة:
بعد ما خلطت الماسك وحطيته على وجهي مع الابتعاد عن العين خليته 15 دقيقة شوي شوي حسيت انه يحرق الوجة جدا و حسيت انه وجهي انشد و صار الابتسام و الكلام صعب
بعد 15 دقيقة رح ينشف الماسك لدرجة انه تقدرين تقشرينه بيدك المهم
غسلت وجهي بموية زين و نشفته بمنشفة نظيقة بطريقة الطبطبة
لاحظت ان بشرتي جدا جدا حمرااا
وحساسة بعدها اخذت بخاخ ماء الورد ( عبارة عن علبة بخاخ حطي فيها موية شرب باردة و ملعقة ماء ورد)
وبخيتة على وجهي ولما نشف رجعت بخيت مره ثانية وبعدها جبت مكعب ثلج و مررته على الوجه
بعد شوي لما تهدى البشرة
شفت النتيجة جمييييلة جدا !!!
لاحظت نظافة في وجهي كاني مسويه فيشل و نعومة في البشرة و الحبوب (الي بسبب الدهون ) راااحت
ولمعههه وشد خفيف
متى استخدمة :
بالنسبة لي استخدمة اذا جت فترة وما اهتميت ببشرتي وحسيت بدت تتعب و تطلع لي حبوب على طول احطة اعتبرة بتاع كلو
يعني اكتفي فيه وبعدها زي ماقلت فوق ماء الورد و مكعب الثلج
و
قبل مناسبة بيوم او يومين
ملاحظة ! :
بشرة عن بشرة تختلف ... الي ناسبني مو شرط يناسبك .. مكتوب على العلبة سوي اختبار بكمية بسيطة قبل الاستخدام على كامل الوجه
مكان الشراء و السعر :
السعر / ما اذكر بالضبط بكم شريته بس بالعشريناتهل برجع اشترية مره ثانية ؟
- طبعاَ😍
وبنهاية اتمنى التدوينة تفيدكم و تكون خفيفة عليكم
شكرا على القراءة 😻
ليست هناك تعليقات:
إرسال تعليق