طريقة ورق عنب بالصور
المقادير :
ورق عنب ( انا استخدمت قودي وانصحكم فية و لازم تغسلونة وتعصرونه على الخفيف من الماء الزايد)
ثلاث اكواب رز مصري ( نغسلة 3 مرات على الاقل )
حزمة بقدونس
2 طماطم
2 بصل
ملعقتين نعناع طازج
5 فصوص ثوم مهروس ( زيدو الكمية على حسب رغبتكم)
حبيتن او ثلاث حبات بطاطس
عصير ليمونتين
كوب زيت زيتون ممتاز
كوب دبس رمان تقريبا
البهارات / ملح و فلفل و كمون وبهار بديل الماجي و نعناع مجفف وملح ليمون اختياري
لصوص الطبخ / مكعب مرقة دجاج و كوب ماء ساخن و عصير نصف ليمونه و شوي زيت زيتون ودبس رمان
فرمت البقدونس
ثلاث اكواب رز مصري مغسول
هنا الخضار الي بحطها بالرز
وهاذي البهارات : نعناع مجفف ملعقتين كبار
الفنجان الصغير كمون
ملح وفلفل ملعقة كبيرة
ملعقة كبيرة ملح الليمون (اختياري)
و ملعقة كبيرة بديل الماجي
وهنا راح اضيف دبس الرمان و بيالة عصير ليمون و كوب زيت زيتون
وهذا الشكل بعد الخلط طبعا ببدا استعملها بالحشو على طول ما يحتاج اطبخها
وهذا الورق بعد ما غسلته وعصرته من الماء الزايد
هنا اثناء اللف
قطعت البطاطس شرايح سميكة
صفيت طبقة بطاطس اسفل القدر
ابدا اصف فوقه حبات الورق عنب بهذا الشكل واحاول اخليها متزاحمة ومرصوصة
واذا لاحظتي اوراق تكون سميكة حطيها بأسفل القدر عشان تاخذ استوا اكثر ( لقربها من الحرارة)
بعد ما رصينا الورق عنب نحط فوقها صحن و ثقل في الاسواق يباع مخصص بس ما عندي ف استخدمت زبدية سيراميك ثقيلة وعبيتها مويها عشان تثقل اكثر
- و بعد ما حطينها الثقل الي راح يضمن لنا ان الورق عنب ما تنفتح لفته راح نسوي صوص الطبخ
تلقون مقاديره فوق↑
راح نصبه على الورق عنب
طريقة الطبخ :
الحرارة راح نشغلها على اعلى شي لمدة 5 دقايق فقط لا غير
وبعدها نخفض النار الى درجة اقل من المتوسط بشوي
بالنسبة لي الفرن كهربائي حطيت درجة 2
وخليتة يطبخ لمدة ساعة و ربع
وبعد ما طبخ شلتة من النار و خليتة يبرد بحرارة الغرفة بدون ثلاجة لمدة 9 ساعات او ليلة
انا نمت و صحيت و بعدها قلبتة و اكلته مع مامتي
وشاركت الاعزاء على قلبي بعضا منه 💓💓
ملاحظة : ما انصحكم تحفظونة بالثلاجة لانه على الاغلب الزر راح يحبب
الافضل تاكلونة طازج و بالعااافية
شكرا لزيارتكم مدونتي :)
