كيمباب كوري (｡◕‿◕｡) "بالصور"

المكونات/

شرائح لحم

سبانخ

رز سوشي (تلقونة بالتميمي) او ممكن رز مصري بس كسروة شوي

بيض

جزر مقطع عيدان

مخلل اللفت الكوري الاصفر (انا ما كان عندي فأستبدلتة ب الخيار)

ملح

زيت السمسم

سكر بني

ورق النوري بالياباني او الكيم بالكوري (الاعشاب البحرية الي نلف فيها)
صويا صوص

اول شي نطبخ الرز بحيث تكون كمية الماء مساوية لكمية الرز ولكن لازم الموية تغطي الرز و انا اطبخة بقدر مخصص للميكرويف خذتة من لولو سوبرماركت من زماان يطبخ بدون اضافات

بعد ما ينطبخ نضيف له شوية خل و رشة سكر ونحركة لحد مايصير يعجن و متماسك 

قطعنا الخيار و الجزر بشكل اقلام

هنا بعد ما حطيت ملح على الخيار و هاذي الموية الي طلعت بس اعصرو الخيار بيد نظيفة لاستخراج الماء الزائد

نقلي الجزر بشوية زيت سمسم لحد ما يذبل

نخفق البيض مع ملح وفلفل و نقلية بشكل مسطح و بعدين نشيلة على جنب عشان يبرد و بعدين نقطعة شرائط

نقطع شرائح اللحم طوليا و نتبلها بملعقة سكر بني و ملح وفلفل وصويا و بعدها نطبخها بالمقلاة

هنا بس سلقت السبانخ بموية حارة لمدة اقل من دقيقة صارت جاهزة طلعتها وحطيتها بموية بااردة و بعدها جمعتها بيد نظيفة وعصرتها و حطيت عليها ملح و فلفل و زيت السمسم و سن ثوم مفروم و حركتهم

وبكذا نكون جهزنا كل المكونات الي هي الرز و اللحم و الجزر و الخيار و السبانخ و البيض

وهاذي صورة اوراق النوري او الكيم تلقونها بالتميمي قسم المنتجات المستوردة او بالبقالات الاسيوية

نحط ورق النوري الجهة اللماعة تحت و الباهتة تكون قدامنا  نقدر نشوفها و نحط نفس المقدار الموضح بالصورة من الرز

نفرد الرز و نترك مسافة 1سم عشان تثبت لما نلفها

نحط الحشوات الي سويناها ( لحم - خيار - جزر - بيض - سبانخ)

نلفها على شكل رول و نضغط عليها عشان ما تطيح الحشوة لما نقطع

و نستحدم المات الخشبي للف السوشي تلقونه في دايسوا او ايبو

و ممكن تستغنون عنه و تستخدمون يدكم و النايلون ( بس بيكون اصعب وممكن تكون مو متناسقة بس اهمم شي الطعم صح😚)

بعدها بنقطعها بسكين حادة و بعد كل تقطيعة نمسح السكين بمنشفة مبلولة بموية عشان ما تلتصق حبات الارز بالسكين وتصير فوضى

المهم بالنهاية يقدم مع صويا صوص او صوص يوم يوم او بدون اي صوص على حسب الرغبة

و صورة الشكل النهائي فوق 

بالعافية عليكم 😍😍😍

اتمنى تشاركيني رأيك او اي ملاحظة عندك تحت بالتعليقات 😉

تجربتي الرائعة مع بديل خيط الاسنان الفلوسر المائي | WATER FLOSSER

تجربتي الرائعة مع بديل خيط الاسنان الفلوسر المائي | WATER FLOSSER

مقدمة :

مرحبا !

اليوم بذكر لكم تجربتي مع الفلوسر المائي 

بما اني مركبة تقويم ف صعب استخدم الخيط السني

الحل هو هذا المنتج 

اتمنى تستمتعون بالرفيو 

تابعوا القراءة 

معلومات :

مكان الشراء : موقع امازون

السعر :149 ريال سعودي

اللون : ابيض 

حجم عبوة الماء : 200 مل

يشحن الجهاز : USB

رابط المنتج في امازون: 

https://www.amazon.com/Cordless-Portable-Irrigator-Rechargeable-Waterproof/dp/B075F47NW6/ref=sr_1_3_a_it?ie=UTF8&qid=1548664687&sr=8-3&keywords=water+flosser+qqcute

رأيي :

الجهاز جدا رائع من اول استخدام ينظف الاسنان ويشيل كل العوالق و بواقي الاكل
حتى لو فرشتي اسنانك راح تبقى بعض العوالق الي بين اللثة و الاسنان خصوصا للي مركبين تقويم
هذا حل لكم الجهاز من افضل مميزاتة بالنسبة لي انه يطول وهو مشحون
يعني اشحنة مرة وحدة كامل يجلس اكثر من اسبوعين يشتغل و اذا لاحظتي ان صار بطيئ يعني الشحن بدا
يخلص ولازم تشحنيه مرة ثانية , بالنسبة لي اخلية يشحن لمدة يوم كامل

الميزة الثانية وهي التحكم بالسرعة عندك ثلاث خيارات زي ما تشوفون بالصورة
soft ناعم او خفيف عالاسنان بس ينظف من قلب
normal هذا اسرع من الي فوق  و بالنسبة لي جرح لثتي
pulse هذا الخيار الاسرع و ما نصح الي لثتهم و اسنانهم حساسة يستخدموة , يضخ بشكل متقطع نوعا ما

الميزة الثالثة هي وجود راسين للتركيب بحيث انه ممكن شخصين يستخدون جهاز واحد

هنا مكان تعبئة الماء
وقرأت ان ممكن نخلط موية وغسول الفم (مضمضة) و جربتها بس ما ضبطت معي وواجهت صعوبة في تنظيف
العبوة ف صرت استخدم الموية فقط

 الميزة الرابعة هي صغر حجم الجهاز و يجي معاة هاذا الكيس القماشي وتقدرون تاخذونة معكم بالشنطة
ارتفاع الجهاز تقريبا 25 سم

ويجي معاه شاحن USB بحيث انه يشحن من الابتوب او اي مدحل usb

ويجي معاه فيش ثنائي

طريقتي بالاستخدام :

اول شي افرش اسناني بالفرشاة و المعجون لمدة دقيقة و بعدين اعبي الجهاز كامل

و اختار soft و اوجه الجهاز علة بعد 1 سم عن الاسنان و اشغلة اتأكد انه توجهه على كل الاسنان

وطبعا رأسي مايل على تحت بأتجاة المغسلة و بعدين اتمضمض بغسول الفم و بس 

احيانا استخدمة قبل التفريش عادي سوو الي يريحكم

النتائج بالنسبة لي:

يشيل تقريبا كل بواقي الاسنان الي الفرشاة ما تقدر تتخلص منها و يعطيني شعور

بالانتعاش و النظافة و يزيل الرائحة الغير محببة

جهاز مفيد جدا لاصحاب التقويم والي بدون تقويم ايضا

استخدمة يوميا 

وبس والله اتمنى تستفيدون من تجربتي اذا عندكم اي ملاحظات اتمنى 

تكتبوها بالتعليقات و شكرا لقرائتكم😻

الى اللقاء في تدوينة اخرى 🌌