{ ريفيو :جل الصبار الكوري / aloe vera gel }
السلام عليكم
هاذي اول تدوينة بمدونتي الجديدة شكراً لبابا لمساعدتة لي (:
شريت جل الصبار من شهر تقريبا من صيدلية للأسف نسيت اسمها
بس بحط رابط الشراء من ايهرب بنفس السعر!
من زمان و انا اقرا عنها وكانت التجارب ايجابية و الحين بشارككم تجربتي
معلومات :
صناعة كورية
ماركة نيتشر ريبابلك
الكمية 300 مل
نسبة الالوفيرا 92% و8% جلسرين و ماء و عطر و كحول
السعر : 29 ريال
تجربتي :
انا احطة بالثلاجة عشان لما استخدمة يكون بارد و منعش
استخدمتة بأكثر من طريقة بعد الماسكات مثلاً كمرطب وكان يخلي بشرتي ناااعمة
و مترطبة و مرة انحرق اصبعي من الفرن و حطيت من الجل على الحرق
وراح الالم (الحرق كان خفيف) و استخدمتة لشعري بعد الشاور بس مسحة
خفييفة و ما ناسبه خلاه شوي يابس لما نشف شعري
جربتة على الشفايف و سبب تشقق و جفاف بعد ما نشف
اكثر شي ناسب بعد الماسكات احطة يبرد مرة
حتى لو كان برا الثلاجة
برأيي / راح ارجع اشترية لو خلص بس اجرب نوع يكون 100% الوفيرا بدون اضافات
لأن الكحول قوي على البشرة
شكراًعلى القراءة اتمنى استفدتوا (:
ليست هناك تعليقات:
إرسال تعليق